الاصوات المزعجه ..
فكرت كثير اشلون احل الواجب التدويني الي تمرر للي من اكثر من مدونه

((ابتسم دائما))مثل مااحب اناديها .. ((مضيعه بيتهم)) واخيرا حبيبه قلبي..(بنت الملك)هند

 من زماااان ماحليت واجب  وبديت افكر وش ممكن تكون الاصوات الي تزعجني..

*يزعجني صوت الوندوز اول مايشتغل ولمى اسكره صوته عادي بس مدري ليش ينرفزني..
*يزعجني صوت التلفون في العمل ولمى اكون مشغوله ارد يعني لازم ارد وان
مارديت دقو على جوالي يتاكدون انا عند التلفون او لا.
*يزعجني صوت ((الوزغ)) او البريعصي مثل مايسمونه اهل الرياض الحر جاي ويبدا الازعاج..
*يزعجني صوت المنبهات لمى نكون في السياره والشارع زحمه تلقى الي بالاخير طاااااط طااااااط
لو يقدرون يمشون ماراح ينتظرونكم تنبهونهم من جد ازعاج..
*يزعجني صوت الجوال لمى ((يردح)) نغماتي دائما هاديه وبالكاد تسمع.
*يزعجني صوت جرس زياده السرعه في السياره طن طن طن طن
*يزعجني صوت الملاهي يقولون خل نروح الملاهي نستانس يووووه اي وناسه .. ماابييييها
*يزعجني صوت قلبي لمى يبي شي وانا اقول لا .. صوته يحزني بس لازم اقول لا
*يزعجني صوت التلفزيون بشكل عااااام
*يزعجني الضحك العالي (( وبدوووووون تعليق))
* يزعجني صوت العلك وطقطقته
*يزعجني صوت لعبه قديييييمه ومجددينها اخواني الي عباره عن كورتين ويوازنونها بحبل
وهاتك ياطقطقه..
*احيانا يزعجني صوت الهدووووء يكون ممل وينرفز

اتمنى اكون قلت الي عندي ومن جد ماتتخيلون اشلون غير الواجب نفسيتي مع اني كنت شايله همه
((مصدقه)) انه واجب ودرجات
 

امرر الواجب لـ الهاشميه .. انيين  ..فتاه الامل..  اناستانشيا..

والي يبي يحل الواجب