المباراه هي من أوحى لي بكتابه هذا الموضوع .. ففي كل مرة يجتمعون الشله عشان المتابعه ..
بسرعه تنقلب متابعتهم لحفله من نوع آخر .. ..وأتوقع كثير من متابعين المباريات ..عموما تبدأ المباراه ونسمع
سدد يا.. …... بلنتي يا ….. وش اللعب الغبي يا .. وكلمات وسب وشتم .. الله أعلم من وين تطلع مع أنه ماكنا نسمعها من قبل
أتأكد وقتها إن فيه قواميس بداخلنا ماتطلع إالا وقت الحاجه ..فـ الطفل الي يتابع المباراه ويسب ويشتم ..
جمع الكلمات من تعامله مع الناس خارج المنزل.. في الشارع ..والمدرسه واحتفظ بها لنفسه ولمى حصل الموقف
طلعت بدون مايستدعيها او يجهزها.طبعا من القاموس
البنت الي في المدرسه وتضحك مع زميلاتها .. وبين كل كلمه والثانيه مالت عليك .. وجع وكلمات والله استحي اذكرها
لدرجه ان في بنات مايعرفون يتكلمون الا بالطريقه هذي ..قاموسهم مليان بالكلام الي مايذكر..الله يهديهم.
وعلى العكس تماما أصحاب القواميس الجيده لمى نتعامل مع أي منهم يجبرونك على الخجل من نفسك لمجرد
إنك تكلمت معاهم ساعات أفكر أقول من وين يجيبون الكلام هذا .. بين كل كلمه والثانيه دعوه .. الله يسعدك
الله يعافيك….او بين كل كلمه والثانيه تسمية رقيقه .. ياذووق .. ياعسل.. والله أحس أني طايرة وأنا أتكلم مع من بهذا الأسلوب
بصراحه أهنيهم على القاموس هذا ..
طبعا الكلام السابق كان كملخص لحديث مع إحدى الرائعات .. الله يجزاها الجنه وكنا نتعجب فيه من ردود البنات
وسمينا حصيلتهم من المفردات قاموس ..
ولأن كل إناء بما فيه ينضح..ذكرت لي قصة..طريفه بعض الشي وتقول هذه القصه
في كلب راح لملك الغابة وقاله يااسد انت ملك الغابه أبغاك تغير اسمي ماابي يكون أسمي كلب..
قاله الاسد من عرفناك وانت كلب وأسمك كلب.. أصر الكلب على تغيير اسمه قاله الاسد أجل
روح وتعال بكره وخذ معاك قطعه اللحم هذي وعلقها في بيتك ولا تاكلها راح الكلب لبيته
وعلق قطعه اللحم وصار يطالعها قال في نفسه الاسدماقال لاتطالعهاقال علقها وبس قعد شوي وقام يشمها
وقال لنفسه الاسد ماقال لاتشمها قال علقها بس .. قعد شوي وقال ليش مالحسها هو ماقال لاتلحسها وقعد يلحسها..
.. شوي قال أي ليش ماأكلها ..وش يضرني لو أكون كلب وأكلها
كونو بخير..